Emah

Wanci haneut moyan

Basa mulang ti kebon

Pan  Emah nu mangalakeun memeniran,

Leungeun kuring ranggeuy ku cikur ngora

Emah mah malah gumujeng bakat ku suka

 

Basa  sarangenge mentrang

Wanci adan lohor

Pan Emah mah ngajanteng balas hookeun

Pedah kuring nanggeuy baki sampeu kalapa

Emah malah mesem semu teu wasa

 

Wanci  panon poe leeh

Basa sareupna pisan

Emah …geuning parantos teu aya

 

 

            Apa

 

Saur apa pisan kuring kedah kadieu

 

Janari nyanghareup subuh

Sapanjang malangbong

Apa teras-teras ngagentraan

 

Teu weleh ngalangkang

Kuring lumpat satarikna

Ciawi, Cikatomas, …

 

Leuweung gunung nanjak mudun

Gawir hate seseblakan

Angkeub kacida tetenjoan

 

Antos Pa, ieu aya nu can kedal…………

 

Apa

 

 

Cinunuk, 2006

Advertisement